माझ्याबद्दल थोडेसे ….

नमस्कार मित्रहो…..

कॉलेजच्या दिवसांत पेपर-मासिकांत लिहिलेल्या कविता सोडल्यास मी कधी माझ लेखन सार्वजनीक करायची तसदी घेतली नव्हती. ज्याला आपण करीअर वैगरे म्हणतो त्यात गढल्यामुळे अन हाती आलेली काम आवडत गेल्यामुळे असावं पण त्यातच सगळा वेळ जात गेला. आता सगळ अस सार्वजनीक करायच कारण ठरल “मायबोली”- तिथल्या मनमुराद प्रतिसादांमुळे पुन्हा नव्या दमानं लिहायचा हुरुप आला. त्यातनच मग आली ब्लॉगची आयडीया. मैत्रेय हे मला नेहेमीच भावलेल नामाभिदान..अन म्हणुन तेच नाव ब्लॉगला द्यायच ठरवल!!!

माझ्याबद्दल सांगायच तर तस बरच आहे. वडनेर ते व्हेनीस असा हा प्रवास आहे( वडनेर हे माझ बालपण गेलेल गाव..). मी करीअरची सुरुवात सरकारी अधिकारी म्हणून केलेली पण तिथे रमलो नाही. मग जे व्यवस्थापनाच शिक्षण सगळ्यात आवडल होत त्याच्या मदतीन खासगी क्षेत्रात काही नोकर्‍या केल्यात अन अजुनही करतोच आहे. जनरल मोटर्स ते अगदी आपल्या SBI मध्येही काम केल अन मजल-दरमजल करत सध्या हाँग़काँगला असतो. हाडानं अजुनही “एक स्मॉल टाऊन बॉय” आहे. एका छोटयाशा गावातल समृध्द बालपण. आई-वडलांच अपार प्रेम मिळालेल..शाळेतल्या शि़क्षणापेक्षा जीवनातल शिक्षण जास्त उपयोगी पडलेलं…!!! आयुष्यातल्या सगळ्या गोष्टींवर प्रेम आहे…आईवर खूप होत..देवावर मात्र बिल्कुल नाही. फुल लेन्ग्थ जीवन जगायला आवडत …..जिन्दगी जिन्दादिली का नाम है – यावर अपार विश्वास आहेच…..!!!!!

मी आयुष्यात जे पाहीलं-दिसलं, दिलं-घेतलं, सोडलं-सांडलं, भावलं-जपलं त्यासगळ्यावर कविता लिहीण पसंत करतो. त्यामुळे काही कवितांत अतिशय वैयक्तीक संदर्भ येणे हे अपरीहार्यच आहे.कविता ही माझ्यासाठी आयुष्यातल्या व्यक्त-अव्यक्ताच्या मधली कुठलीतरी जागा आहे.त्यामुळे एका जाणीवांच्या गुलामासारख मी कविता लिहुन ही जागा भरत-जपत असतो.

शेवटचं पण महत्वाच : हा ब्लॉग माझे मायबोलीकर मित्र विशाल कुळकर्णी यांच्याविना तयार झालाच नसता त्यामुळे त्यांचे मनःपुर्वक आभार!!! तसेच ज्यामुळे मी लिखाण हिरीरीने सार्वजनीक करायला लागलो अन ज्यांनी पहिल्याच महीन्यात “सर्वोत्तम कवितेचा मान” देऊन मला उत्साह दिला त्या “मायबोली”चे व तिथल्या सगळ्या मित्रांचेही हार्दीक आभार!!! अन सरतेशेवटी माझ्या आयुष्यांत आलेल्या-भावलेल्या अन काही निसटलेल्याही लाडक्यांचे यायोगे आभार…माझी कविता फुलली ती या सगळ्यांमुळेच !!!!

हा ब्लॉग आपल्याला आवडावा… काही क्षण चांगला निवांत विरंगुळा आपल्याला मिळावा हा उद्देश – तो सफल झालेला पहायला आवडेल ..!!!!

 लोभ असावा अन तो वृद्धींगतच व्हावा हा आग्रह !!!

सस्नेह,

गिरीश कुळकर्णी
” मैत्रेय “